Ахова здароў’я па-беларуску: аналогіі і паралелі: У афіцыйным друку беларускую мадэль развіцця грамадства называюць не інакш як “унікальная”. Складнікаў унікальнасці два – моцная ўлада (з манаполіяй на сродкі вытворчасці) і шырока дэкляраваная “сацыяльнасць” функцыянавання дзяржавы (т. зв. “государство для народа”). Злыя языкі, праўда, сцвярджаюць што ўся ўнікальнасць у невядомай сучаснаму свету форме ўласнасці – прэзідэнцкай, а таксама ў карупцыі, якая ў Беларусі не сацыяльнае зло, а натуральнае асяроддзе цыркуляцыі ўлады.