Будзьма беларусамі! » Людзі, сьвіньні, паразыты. Архаіка беларускай вёскі на 100-гадовых малюнках

Будзьма беларусамі! » Людзі, сьвіньні, паразыты. Архаіка беларускай вёскі на 100-гадовых малюнках Як адзначае дасьледнік Першай усясьветнай вайны Ўладзімер Багданаў, варожыя імпэрскія арміі былі перакананыя, што твораць гісторыю, якую трэба ўвечніць для нашчадкаў. Дзеля гэтага на службу прызывалі ня толькі здольных трымаць у руках зброю, а і «хранікёраў» — журналістаў ды літаратараў, фатографаў ды мастакоў. Хоць напачатку ХХ стагодзьдзя фатаграфія была ўжо досыць пашыраная, больш традыцыйны малюнак ці рысунак па-ранейшаму заставаўся запатрабаваным.