Гарбата па-браслаўску: гаспадыня раіць, як прыгатаваць смачны і карысны напой зь зёлак, кветак і ягад

Гарбата па-браслаўску: гаспадыня раіць, як прыгатаваць смачны і карысны напой зь зёлак, кветак і ягад З Алёнай мы сустрэліся ў разгар збору скрыпеню, альбо кіпрэю. Гэтая высокая расьліна зь белымі, ружовымі ці фіялетавымі кветкамі моцна цягнецца да сонца і ў паўднёвых рэгіёнах краіны зацьвітае ў другой палове чэрвеня. На Браслаўшчыне яе зьбіраюць амаль увесь ліпень, а далей на поўнач — да сярэдзіны жніўня. Скрыпень першым выростае на пажарышчы, любіць адкрытыя паляны і маляўніча буяе ўздоўж беларускіх дарог.