Беларусы ўтрая часьцей шукаюць працу ў Польшчы, чым у Расеі. Зьязджаюць нават з усходніх рэгіёнаў краіны

Беларусы ўтрая часьцей шукаюць працу ў Польшчы, чым у Расеі. Зьязджаюць нават з усходніх рэгіёнаў краіны Яшчэ пяць гадоў таму ў беларускіх гарадах аб’явы аб працы ў Польшчы былі вялікай рэдкасьцю, цяпер яны ёсьць нават у невялікіх населеных пунктах ва ўсходніх рэгіёнах Беларусі. І гэта — тэндэнцыя. Акрамя таго, аналіз запытаў у пошукавых сыстэмах у інтэрнэце сьведчыць, што цяпер працу ў Польшчы беларусы шукаюць утрая часьцей, чым у Расеі, тады як яшчэ ў 2015 годзе сытуацыя была адваротнай. Да пачатку 2016 года беларускія працоўныя мігранты ў асноўным знаходзіліся на расейскім рынку працы.