Будзьма беларусамі! » Працяг праекту «(Не)расстраляныя» – кніга з CD, лекцыі ў Мінску і рэгіёнах

Будзьма беларусамі! » Працяг праекту «(Не)расстраляныя» – кніга з CD, лекцыі ў Мінску і рэгіёнах «(Не)расстраляныя» – працяг праекту, які пакліканы вярнуць імёны і творы рэпрэсаваных дзеячаў беларускай культуры ў сучасны дыскурс. Рыхтуецца да друку ўнікальнае выданне, у якое ўвойдзе 18 гісторыяў жыцця рэпрэсаваных беларускіх літаратараў, больш за сто абраных твораў ды каля сотні архіўных фотаздымкаў, частка з якіх будзе апублікаваная ўпершыню. Таксама да кнігі будзе далучаны музычны CD-дадатак з песнямі на словы герояў праекту. Аб’ём кнігі – больш за 300 старонак.  Аздабленнем выдання займаецца дызайнерка Наста Шастак.